दापोडे ग्रामपंचायतच्या उपसरपंच पदी सौ.योगिता दिलीप पाटील यांची बिनविरोध निवड
गावाचे सर्वांगीण विकासासाठी प्रामाणिक प्रयत्न करणार - सौ.योगिता पाटील
भिवंडी (रमण पंडित)- भिवंडी तालुक्यातील ग्रामपंचायत दापोडे उपसरपंचपदी सौ.योगिता दिलीप पाटील यांची बिनविरोध निवड झाली आहे. उपसरपंचपदी निवड झाल्यानंतर सरपंच, आजी माजी, मित्र परिवार आणि सर्व सन्माननीय सदस्य यानी पुष्पगुच्छ देऊन त्यांना पुढील वाटचालीस शुभेच्छा दिल्या. अध्यासी अधिकारी तथा सरपंच श्री. चिंतामण पाटील यांच्या
अध्यक्षतेखाली ग्रामसेवक श्री. चंद्रकांत बुटेरे यांच्या उपस्तिथीत संपन्न झाला. दापोडे ग्रामपंचायत उपसरपंचपदी निवड झाल्यानंतर सौ.योगिता पाटील यांनी प्रतिनिधीशी बोलताना म्हणाल्या की, मला मिळालेली संधि ही गावाचे सर्वागीण विकासासाठी सर्वांच्या सहकार्याने काम करणार असल्याचे त्यांनी सांगितले. आता जी कामे उर्वरित विकासाची कामे आहेत ती कामे पूर्ण करण्याचा संकल्प नवनिर्वाचित उपसरपंच सौ.योगिता पाटील यानी सांगितले. उपसरपंच सौ.योगिता पाटील या मनमिळाऊ स्वभावाच्या आहेत.
त्या नेहमी हसतमुख चेहरा ठेऊन लोकांच्या समस्या जाणून घेणाऱ्या उपसरपंच म्हणुन त्यांचा लौकिक आहे. त्या निश्चित गावाच्या विकासासाठी स्तुत्य उपक्रम राबवून चांगले काम करतील अशी अपेक्षा आहे.
