*भाऊस तो भाऊस आसते*
( आगरी कविता )
लुगरा असो क सारी
हालकी असो क भारी,
भावबीजला आवदा क क नेवाचा
याचा तो आगोदरच पलान रचते !
*शेवटी कई पन बोला*...
*भाऊस तो भाऊस आसते !*
बारीक पनापासून दोगांचा
भांडल्या शिवाय जमत नी,
ना बनीस जवल नसल्याव
त्याला शन भ पन करमत नी !
तिचे हाता पायाला जरासा खरचाटला
त याचेच जीवाला कालजी भासते !
*शेवटी कई पन बोला.*..
*भाऊस तो भाऊस आसते !*
बनीसचा लगीन जमवाला
घरान याचाच म्होठा वाटा !
आपले बाय चा चंगला व्हवा
याचेचसाठी त्याचा आटापीटा !
ताईची वरात घरानशा निगली
क एकटाच कोपऱ्यान लरत बसते !
*शेवटी कई पन बोला..*.
*भाऊस तो भाऊस आसते !*
संपत्तीचे हिस्स्या वाट्यासाठी
जरी आसल रुसारुशी !
राखी पुनवचे दिवशी
ती येते धावत तशी बीशी !
याचं पन डोलं लागलेलं आसतान
बाय ईकरं दिसते क तिकरं दिसते !
*शेवटी कई पन बोला...*
*भाऊस तो भाऊस आसते !*
पगार याचा तुटपुंजा
किशान नसली जरी दिरकी !
जीवाचं रान करील भावबीजसाठी
नाराज नी झली पजे बनीस लारकी !
दोन-चार बनीशी आसल्या तरी
त्याला खरचाची परवा नसते !
*शेवटी कई पन बोला.*..
*भाऊस तो भाऊस आसते !*
*शब्दयोगी संगते*....
असाच म्होठे-बारके भावाचा पिरेम
परत्येकीला हक्काशा भेटू दे !
राग रुसवा जपून सुधा
भावा बयनीची माया जगाला पटु दे !
बनीसची पोराटारा,संसार सुखी
त मामा पन मनानचे मनान हासते !
*शेवटी कई पन बोला...*
*भाऊस तो भाऊस आसते !*
*कवी* - *प्रा- योगेश हरीचंद्र चिकणे.*
मु- वडुनवघर
ता-भिवंडी,जि- ठाणे,
